මහරගම ජාතික පිළිකායතනය අවට පදිංචි පුද්ගලයන් පිළිකා වලදී මියයැම සම්බන්ධයෙන් සොයා බැලීමට විද්වත් මණ්‌ඩලයක්‌ පත් කිරීම සඳහා සෞඛ්‍ය අමාත්‍යාංශය තීරණය කර ඇත.
පිළිකා රෝහලෙන් විකිරණ ද්‍රව්‍ය පරිසරයට එක්‌වීම නිසා රෝහල අවට පුද්ගලයන් කිහිප දෙනකුට පිළිකා රෝගය වැළඳී ඇති බව සඳහන් වාර්තාවක්‌ බස්‌නාහිර පළාත් සභා මන්ත්‍රී උදය ගම්මන්පිල මහතා ඇතුළු කණ්‌ඩායමක්‌ සෞඛ්‍ය අමාත්‍ය මෛත්‍රිපාල සිරිසේන මහතාට භාරදී තිබේ.
එම පුද්ගලයන්ට පිළිකා රෝගය වැළඳී ඇත්තේ රෝහලෙන් පිටවන විකිරණ පරිසරයට එක්‌වීම නිසා දැයි යන්න සොයා බලන බවත් අදාළ වාර්තා තවදුරටත් අධ්‍යයනය කොට අවසන් නිගමනයකට පැමිණෙන බවත් සෞඛ්‍ය ඇමැතිවරයාට පෙන්වා දෙයි.
පිළිකා රෝහලෙන් බැහැර කෙරෙන අපද්‍රව්‍ය මහජන සෞඛ්‍යයට හානියක්‌ නොවන ලෙස ආරක්‌ෂිතව බැහැර කරන ලෙසත් ඒවා විනාශ කිරීමට සුදුසු ක්‍රමවේද අනුගමනය කරන ලෙසත් ඇමැති මෛත්‍රිපාල සිරිසේන මහතා රෝහල් බලධාරීන්ට උපදෙස්‌ දී තිබේ.
Divaina 2011.12.17
No comments:
Post a Comment