ඒමන්ති මාරඹේ
මෙරට ප්‍රධාන පෙළේ පෞද්ගලික රෝහල් හයක ප්‍රධානීන්ගේ සහභාගීත්වයෙන් ඊයේ (31 දා) සෞඛ්‍ය අමාත්‍යංශයේ පැවැති රැස්‌වීමකදී මාලබේ පිහිටි පෞද්ගලික වෛද්‍ය විද්‍යාලය නීත්‍යානුකූල නොවන ආයතනයක්‌ බව සෞඛ්‍ය අමාත්‍යංශ ලේකම් වෛද්‍ය රවීන්ද්‍ර රුබේරු මහතා හා ශ්‍රී ලංකා වෛද්‍ය සභාවේ සභාපතිනි මහාචාර්ය ලලිතා මෙන්ඩිස්‌ මහත්මිය විසින් දැනුම් දුන් බව රජයේ වෛද්‍ය නිලධාරීන්ගේ සංගමයේ උප ලේකම් වෛද්‍ය උපුල් ගුණසේකර මහතා පැවසීය.
සෞඛ්‍ය අමාත්‍යාංශ ලේකම්වරයා හා වෛද්‍ය සභාවේ සභාපතිනිය විසින් ප්‍රකාශ කරන තෙක්‌ මාලබේ පෞද්ගලික වෛද්‍ය විද්‍යාලය නීති විරෝධී ආයතනයක්‌ බව අදාළ පෞද්ගලික රෝහල් ප්‍රධානීන් දැන නොසිටි බව කී වෛද්‍ය ගුණසේකර මහතා එම වෛද්‍ය විද්‍යාලයේ ඉගෙනුම ලබන සිසුන් සඳහා සායනික පුහුණුව ලබා දීමට එකඟ වී සිටි කොළඹ පෞද්ගලික රෝහල් ප්‍රධානීන් එහිදී කියා සිටියේ වෛද්‍ය විද්‍යාලය වෛද්‍ය සභාව විසින් පිළිගත් එකක්‌ බව තමන් සිතා සිටි බව යෑයි සඳහන් කළේය.
කොළඹ රජයේ වෛද්‍ය නිලධාරීන්ගේ සංගම් මූලස්‌ථානයේ ඊයේ පැවැති ප්‍රවෘත්ති සාකච්ඡාවක්‌ අමතමින් ඔහු මෙම කරුණු අනාවරණය කළේය.
මාලබේ පෞද්ගලික වෛද්‍ය විද්‍යාලයේ සිසුන්ට සායනික පුහුණුව ලබා දීමට නියමිතව තිබූ කොළඹ නවලෝක රෝහල ඉදිරිපිටදී දිවයිනේ සියලු වෛද්‍ය පීඨ සිසුන්ගේ සහභාගීත්වයෙන් ඊයේ (31 දා) උදැසන උද්ඝෝෂණ ව්‍යාපාරයක්‌ පැවැත්වුණු අතර එහිදී එම රෝහලට පැමිණි රෝගීන් නීත්‍යානුකූල නොවන වෛද්‍ය විද්‍යාලවලින් පිට වන වෛද්‍යවරුන්ගෙන් ප්‍රතිකාර ලැබීමේ අවදානම පිළිබඳව දැනුවත් කළ බව මෙහිදී අදහස්‌ දැක්‌වූ වෛද්‍ය නිලධාරීන්ගේ සංගමයේ උප ලේකම් වෛද්‍ය සංකල්ප මාරසිංහ මහතා පැවසීය.
Divaina 2011.11.01
http://www.divaina.com/2011/11/01/news08.html
picture preview
No comments:
Post a Comment