බස්නාහිර
පළාත් සෞඛ්‍ය සේවා අධ්‍යක්ෂ විසින් කිසිදු පදනමක් හා සාධාරණ හේතුවක් නොමැතිව අප
සංගමයේ බස්නාහිර පළාත් ලේකම් හා ගම්පහ රෝහල් ශාඛාවේ ශාඛා සභාපති සුදර්ශන වික‍්‍රමාරච්චි
මහතා දොම්පේ රෝහලට ස්ථාන මාරු කර ඇත.
කිසිදු විනය චෝදනාවකින් තොරව සිදුකල මෙම ස්ථාන
මාරුව සම්පූර්ණයෙන්ම නීති විරෝධි එකකි. එසේම පළාත් සභාවේ සංගමයේ ලේකම් තනතුර දරණ මොහු සාමාන්‍ය
ස්ථාන මාරු පටිපාටි යටතේ ස්ථාන
මාරු කල නොහැකි බව ආයතන සංග‍්‍රහයේ ඞඞඪ - 7 පරිච්ෙඡුදයේ පැහැදිලිව සඳහන් කර ඇත.
එසේ තිබීයදීත් මෙසේ ස්ථාන මාරු කිරීම
පලිගැනීමේ චේතනාවෙන් කල ක‍්‍රියාවක් බව පැහැදිලිය. එසේම පළාත් අධ්‍යක්ෂකට හෙද සේවාවේ ස්ථාන
මාරුවීම් කිරීමට බලයක් නොමැති අතර, එය කල යුත්තේ පළාත් සෞඛ්‍ය ලේකම් විසිනි. මෙයට පෙර ද
ගම්පහ රෝහලේ හෙද නිළධාරියෙකු අසාධාරණ ලෙස
මාරු කිරිම, කුසලතා ලේඛනයට පටහැනිව පක්ෂග‍්‍රාහීව උසස් වීම් ලබාදීම, වැරදි කල තම හිතවතුන්ට විරුද්ධව විනය ක‍්‍රියාමාර්ග නොගැනීම වැනි බරපතල
වැරදි මෙම පළාත් සෞඛ්‍ය සේවා අධ්‍යක්ෂ විසින් සිදුකරන ලදි. මොහුගේ මෙම ක‍්‍රියාකලාපය තුළ පළාත්
සභා හෙද නිළධාරීන් දැඩි
අපහසුතාවයට පත්වි ඇත.
මොහුගේ හිතවතුන් වැරදි කලද කිසිදු විනය ක‍්‍රියාමාර්ගයක්
නොගන්නා අතර, එයට හොඳම උදාහරණයක් නම් බලූ පැටව් 4 දෙනෙකු මෝචරියට දැමු ගම්පහ රෝහලේ හෙද
පාලිකාවට අද වනතුරු කිසිදු දඩුවමක් ලබ නොදීමයි.
මොහුගේ මෙම දූෂිත ක‍්‍රියාදාමයට එරෙහිව 2011.09.27 දින පළාත් ආණ්ඩුකාරවරයාගෙන් අප පූර්ණ විමර්ශනයක් ඉල්ලා සිටි අතර, එම විමර්ශණයේ වාර්තාව ද මේ දක්වා
එළිදක්වා නැත.
එබැවින් මොහුගේ මෙම පක්ෂග‍්‍රාහී, අවනීතික ක‍්‍රියා කලාපයට එරෙහිව අප
සංගමය විසින් විරෝධතා උද්ඝෝෂණයක් ජූනි 05 පෙ. ව. 10.30 ට මාළිගාවත්ත පළාත් සභා අධ්‍යක්ෂ කාර්යාලය ඉදිරිපිට දී ක්‍රියාත්මක කරන
ලදි.
පළාත් සෞඛ්‍ය සේවා අධ්‍යක්ෂවරයාගේ මර්දනීය හා දූෂිත
ක‍්‍රියාකලාපය නතර නොකරන්නේ නම් පළාත් සභාව තුළ අඛණ්ඩ වෘත්තීය ක‍්‍රියාමාර්ග ගැනීමට
කටයුතු කරන බව පළාත් සභා
බළධාරීන්හට අවධාරණය කරන්නෙමු.
එහි අවස්ථාව
කිහිපයක් පහත දක්වා ඇත.
No comments:
Post a Comment