අජිත් අලහකෝන් , ලසිත දුමින්ද
මහාචාර්යවරුන් පිරිසක්‌ රජයේ විශ්වවිද්‍යාලවල සේවය කරන ගමන් මාලබේ පෞද්ගලික වෛද්‍ය විද්‍යාලයේද සේවය කරන බව උසස්‌ අධ්‍යාපන ඇමැති එස්‌.බී. දිසානායක මහතා ඊයේ (30 දා) පාර්ලිමේන්තුවේදී ප්‍රකාශ කළේය.
ස්‌ථාවර නියෝග 23/2 යටතේ අනුර කුමාර දිසානායක මහතා පසුගිය 20 දා කළ විශේෂ ප්‍රකාශයට පිළිතුරු දෙමින් එස්‌. බී. දිසානායක මහතා මෙසේද කීය.
අධ්‍යාපන ආයතනයක්‌ සමාගම් ආඥපතන යටතේ පිහිටුවීමට නීතිමය බාධාවක්‌ නැත. වෛද්‍යවේදී හා ශල්‍ය වෛද්‍යවේදී උපාධිය පිරිනැමීම සඳහා විශ්වවිද්‍යාල ප්‍රතිපාදන කොමිසම විසින් මාලබේ වෛද්‍ය විද්‍යාලයට නිර්දේශය ලබා දී තිබෙනවා.
ශ්‍රී ලංකාවේ අරඹා ඇති රාජ්‍ය නොවන විශ්වවිද්‍යාල විසි නවයම අරඹා ඇත්තේ සමාගම් ආඥපනත යටතේ. එය වරදක්‌ නැත. ළමයින්ගෙන් ලක්‌ෂ ගණන් මුදල් ගෙන ඔවුන් රවටන ආයතනද ඇත. එනිසා මේ ආයතන නියාමනය අත්‍යවශ්‍යයි.
මාලබේ වෛද්‍ය ආයතනය අවුරුදු පහටම රුපියල් ලක්‌ෂ හැට පහයි අය කරන්නේ. ශ්‍රී ලංකාවේ නවීනතම ශික්‌ෂණ රෝහල ඇඳන් දාහක්‌ සමග මාලබේ පෞද්ගලික වෛද්‍යය විද්‍යාල අසල ඉදි වෙනවා.
අපේ විශ්වවිද්‍යාල ජාත්‍යන්තර විශ්වවිද්‍යාල අතරින් වේගයෙන් ඉදිරියට ඇවිල්ලා ආසියාවේ විශ්වවිද්‍යාල අතරින් කොළඹ විශ්වවිද්‍යාලය අටවැනි තැනට ඇවිල්ලා.
මාලබේ සවුත් ඒෂියන් ඉන්ස්‌ටිටියුට්‌ ඔµa ටෙක්‌නොලොජි ඇන්ඩ් මෙඩිසින් ආයතනයේ දැනට ජ්‍යෙෂ්ඨ වෛද්‍ය මහාචාර්යවරු 18 ක්‌ සිටිනවා. ඔවුන් අතර රුසියානු මහචාර්යවරු තුන් දෙනෙක්‌ ඉන්නවා. ඉතිරි සියලු දෙනා කොළඹ පේරාදෙණිය, ශ්‍රී ජයවර්ධනපුර කැලණිය හා රුහුණ විශ්වවිද්‍යාලවලින් විශ්‍රාම ගිය සහ සප්ත වාර්ෂික නිවාඩු ගත් අය. විශ්වවිද්‍යාලවල සේවය කරන තවත් මහාචාර්යවරු පිරිසක්‌ රජයේ විශ්වවිද්‍යාලවල වැඩ කරන ගමන් මාලබේ වෛද්‍ය විද්‍යාලයේ වැඩ කරනවා.
Divaina 2012.03.31
No comments:
Post a Comment