ඒමන්ති මාරඹේ
ජීවිතාරක්‍ෂක බෙහෙත් ද්‍රව්‍යයක්‌ වන සේලයින් ඇතුළු අත්‍යවශ්‍ය බෙහෙත් වර්ග 16 ක්‌ පමණ මෙම දිනවල කරාපිටිය ශික්‍ෂණ රෝහලෙහි හිඟව පවතින බව එම රෝහල් ආරංචි මාර්ග පැවසීය.
හිඟව පවතින මෙම බෙහෙත් වර්ග අතර දියවැඩියා රෝගය සඳහා ලබාදෙන ''මෙට්‌ෆොමීන්'' අධිරුධිර පීඩනය සඳහා ලබාදෙන ''ඇටිනලෝල්'' කොලෙස්‌ටරෝල්
සඳහා දෙන ''ඇටෝවැස්‌ටටින්'' යන බෙහෙත් වර්ග ද වන බව එම ආරංචි මාර්ග පවසයි.
සේලයින් ඇතුළු හිඟව පවතින අත්‍යවශ්‍ය බෙහෙත් වර්ග පෞද්ගලික අංශයෙන් මිලදී ගෙන පැමිණෙන ලෙස වෛද්‍යවරුන් රෝගීන්ට නිර්දේශ කරන අතර ඇතැම් අවස්‌ථාවලදී සමහර පෞද්ගලික ඔසුසල්වලද එම බෙහෙත් හිඟවන බව කරාපිටිය රෝහලේ ආරංචි මාර්ග වැඩිදුරටත් සඳහන් කළේය.
මේ පිළිබඳ විමසීම සඳහා වෛද්‍ය සැපයුම් අංශ බලධාරීන් දුරකථනයට සම්බන්ධ කර ගැනීමට ගත් උත්සාහය ව්‍යර්ථවිය.
Divaina 2012.03.29
No comments:
Post a Comment