2012 මාර්තු 21 වෙනි බදාදා, 04:10
ශ්‍රියානි විජේසිංහ
කොළඹ ජාතික රෝහ‍ලේ ප්‍රතිකාර ලැබූ රෝගීන් දෙදෙනකු පරිපූරක වැඩ වර්ජනය හේතුවෙන් මියගොස් ඇතැයි ද තවත් රෝගීන් විශාල පිරිසක් බරපතළ තත්ත්වයට පත්ව ඇතැයිද සෞඛ්‍ය ඇමැති මෛත්‍රීපාල සිරිසේන මහතා සඳහන් කළේය. සෞඛ්‍ය වෘත්තිකයන් ආරම්භ කළ වැඩ වර්ජනයක් හේතුවෙන් රෝගීන් මිය ගිය ප්‍රථම අවස්ථාව මෙය බවද ඇමැතිවරයා අවධාරණය කර සිටී. නියමිත වෛද්‍ය වාර්තාව ලැබුණේ නම් මියගිය රෝගීන් දෙදෙනාගේ ජීවිත බේරාගැනීමට හැකිවන බව විශේෂඥ වෛද්‍යවරුන් පිරිසක් ඇමැතිවරයා හමුවී ඊයේ (20) අමාත්‍යංශයේදී පැවැති විශේෂ සාකච්ඡාවකදී පවසා ඇත.
ඇමැතිවරයා මේ බව සඳහන් කළේ මහජන සෞඛ්‍ය පරීක්ෂකවරු 143 දෙනකුට පත්වීම් ලිපි ප්‍රදානය කරමින් රුධිර පාරවිලයන මධ්‍යස්ථානයේදී පැවැති විශේෂ උත්සවයකදීය.
එහිදී ඇමැතිවරයා තවදුරටත් සඳහන් කර සිටියේ පරිපූරක වෛද්‍ය වෘත්තිකයින් තමා සමග දෙවරක් සාකච්ඡා කළ බවත් එහිදී ඔවුන්ගේ ඉල්ලීම්වලින් යම් ප්‍රමාණයක් ලබාදීමට පොරොන්දු වී තිබියදීත් මෙවැනි වැඩ වර්ජනයක් කිරීම අසාධාරණ බවත්ය.
අපි මොවුන් බිත්තියට හිර කරලා මේ වර්ජනය කරන්නේ ලබන සතියේ ජාතික ඖෂධ ප්‍රතිපත්තිය පාර්ලිමේන්තුවට ගෙන එන නිසයි.
ජාතික ඖෂධ ප්‍රතිපත්තිය එදා මහාචාර්ය සේනක බිබි‍ලේ ගෙනාව මොහොතේ ඔහු මැරුවා. දැන් අපි නොමරා මරණවා.
උසාවියෙන් වාරණයක් දී තිබියදීත් වර්ජනය නතර කරන්න කියලා මොවුන් වර්ජනය කරනවා. මේක බරපතළ දඬුවම් ලැබිය යුතු වරදක්.
lakbima.lk
No comments:
Post a Comment