2012 මාර්තු 21 වෙනි බදාදා, 04:14
ශ්‍රියානි විජේසිංහ, තිළිණි ධනුෂ්කා
රෝහල් සේවය සඳහා ඊයේ (21) වාර්තා නොකළ සියලුම ආදේශ සහකාර සේවකයන්, ස්ථීර නොකළ සේවකයන් වහාම ක්‍රියාත්මන වන පරිදි සේවය හැරගිය බවට සැලකීමට සෞඛ්‍ය අමාත්‍යංශය තීරණය කරයි. ඉල්ලීම් කිහිපයක් මුල්කර ගනිමින් අනියම් සහකාර සේවකයන් ඊයේ උදෑසන සංකේත වැඩ වර්ජනයක් ආරම්භ කර ඇත.
මේ අනුව දිවයින පුරා රෝහල්වල සේවය සඳහා පටි සියලුම කනිෂ්ඨ සහකාර සේවකයින් සංකේත වැඩවර්ජනයක නිරත වූහ. එසේ නිරත වූ අනියම් සහකාර සේවකයින් සම්බන්ධයෙන් නාම ලේඛනයක් දින 2ක් තුළදී එවන ලෙස සියලුම රෝහල් අධ්‍යක්ෂවරුන් වෙත සෞඛ්‍ය අමාත්‍යංශය දන්වා ඇත.
මෙසේ ඉවත්කරන ලද අනියම් සහකරුවන් වෙනුවට නව සේවකයින් බඳවා ගැනීමටද සෞඛ්‍ය අමාත්‍යංශය තීරණය කර ඇත.
ඔවුන් විසින් ආරම්භ කරන ලද මෙම වැඩවර්ජනය අසාර්ථක වූ එකක් බවත්, රෝහල් කටයුතු සාමාන්‍ය පරිදි සිදු වූ බවත් සෞඛ්‍ය අමාත්‍යංශය වැඩිදුරටත් සඳහන් කරයි.
lakbima.lk
No comments:
Post a Comment