මාතලේ විශේෂ - නිමල් ගුණතිලක
වසරේ ගත වූ කාලය තුළ දිවයිනෙන් ඩෙංගු රෝගීන් අට දහසක්‌ හමු වී රෝගීන් තිස්‌ දෙනකු මිය ගොස්‌ ඇති බව සෞඛ්‍ය අමාත්‍යාංශයේ වසංගත රෝග විද්‍යා ඒකකය කියයි.
ඉකුත් වසරට සාපේක්‍ෂව රෝගීන් මිය යැම අඩු වී ඇතත් රෝගීන් හමුවීම ඉහළ ගොස්‌ ඇති බවද සෞඛ්‍ය අමාත්‍යාංශය කියයි.
රෝගීන්ගෙන් සියයට 50 ක්‌ බස්‌නාහිර පළාතේ කොළඹ, කළුතර සහ ගම්පහ දිස්‌ත්‍රික්‌කවලින් වෙති. බස්‌නාහිර පළාතේ රෝගීන් හමුවීමේ ප්‍රවණතාවද ඉහළ ගොස්‌ ඇත.
ඉකුත් වසරට සාපේක්‍ෂව බස්‌නාහිර පළාතෙන් රෝගීන් හමුවීමද ඉහළ ගොස්‌ ඇත. දිවයිනේ සෙසු දිස්‌ත්‍රික්‌කවලින්ද රෝගීන් හමුවූ අතර ඩෙංගු රෝග වාහක මදුරුවන්ගේ බෝවීම පාලනය සඳහා පරිසරය පවිත්‍රව තබා ගැනීමට පියවර ගතයුතු බවද සෞඛ්‍ය අංශ අවධානය කරයි.
Divaina 2012.03.26
No comments:
Post a Comment