2012 මාර්තු 21 වෙනි බදාදා, 04:19
පද්මිණි මාතරගේ
හෙද හෙදියන්ගේ වෘත්තීය ගැටලුවලට ආණ්ඩුව විසඳුම් ලබා නොදීමට එරෙහිව ප්‍රධාන රෝහල් ගණනාවක හෙද හෙදියෝ අද (21) ලෙඩ නිවාඩු දමා සේවයෙන් ඉවත් වීමට තීරණය කර ඇති බව සමස්ත ලංකා හෙද සංගමය පවසයි. මේ අනුව කොළඹ කුරුණෑගල, මහනුවර, දඹුල්ල, මාත‍ලේ, නුවරඑළිය, පොළොන්නරුව ඇතුළු රෝහල් ගණනාවක හෙද හෙදියන් මෙම වෘත්තීය ක්‍රියාමාර්ගයට එක්වන බව එම වෘත්තීය සංගමයේ සභාපති හෙද නිලධාරී එස්.බි. මැදිවත්ත මහතා “ලක්බිම”ට කීය. අදාළ වෘත්තීය ක්‍රියාමාර්ගය පිළිබඳව දින 21කට පෙර සෞඛ්‍ය ඇමැතිවරයා එම අමාත්‍යංශ ලේකම්වරයා සහ සෞඛ්‍ය අධ්‍යක්ෂ ජනරාල්වරයාට ලිඛිත දැනුම්දීමක් කළ බවද ඔහු පැවැසීය.
හෙද ව්‍යවස්ථාව සංශෝධනය කර ගැනීම, හෙද හෙදියන් සඳහා රුපියල් 5000ක අනතුරු දීමනාවක් ලබාගැනීම, රුපියල් 3000ක විශේෂ ජීවන වියදම් දීමනාවක් ලබාගැනීම, අතිකාල ගෙවීමේ දී පැයකට 180/1 ලෙසට එනම්, එක පැයකට වටිනාකම ගණන් බලා ඊට අදාළ අතිකාල දීමනා ගෙවීම, හෙද උපාධිධාරීන් හෙද සේවාවට අන්තර් ග්‍රහණය කිරීම ඇතුළු ඉල්ලීම් කිහිපයක් මුල්කරගෙන අදාළ වෘත්තීය ක්‍රියාමාර්ග ගන්නා බවද ඔහු වැඩිදුරටත් කීය.
lakbima.lk
No comments:
Post a Comment