පුද්ගලික ඖෂධ අලෙවි ප්‍රවර්ධකයින්ට ඖෂධ අලෙවි ප්‍රවර්ධන කටයුතු සදහා රෝහල් පරිශ්‍රවලට ඇතුළුවීම තහනම් කර තිබේ.
සෞඛ්‍ය අමාත්‍යංශය සදහන් කළේ එලෙස ඖෂධ වෙළද මණ්ඩලයට අවශ්‍යතාවක් පවතිනම් අමාත්‍යාංශය සමග සාකච්ඡා කර විසදුමක් ලබාගත හැකි බවය.
ඖෂධ අලෙවි ප්‍රවර්ධකයින්ට ඖෂධ අලෙවි ප්‍රවර්ධන කටයුතු සදහා රෝහල් පරිශ්‍ර වලට ඇතුළුවීම තහනම් කිරීමට මීට පෙර තීරණය කර තිබුණි.
එහෙත් පසුව සතියකට දින 3 ක් පැය දෙක බැගින් රෝහල් පරිශ්‍රවලට ඇතුළු වී කටයුතු කිරීමට අවසර දුන් බව අමාත්‍යාංශය සදහන් කළේය.
තත්ත්වය එසේ වුවත් එම ක්‍රියාමාර්ග උල්ලංඝනය කරමින් අදාළ ඖෂධ අලෙවි නියෝජිතයින් උදේ සිට රාත්‍රී වනතුරු රෝහල් පරිශ්‍රවල රැදී සිටින බවට හෙලිවී තිබේ.
රෝහල් කටයුත පවත්වාගෙන යාමට එය බාධාවක් බැවින් මීට පෙර එම ක්‍රියා තහනම් කරමින් නිකුත් කළ චක්‍රලේඛය යළි බලගැන්වීමට සෞඛ්‍ය අමාත්‍යාංශ ලේකම් වෛද්‍ය රවීන්ද්‍ර රුබේරු තීරණය කර ඇති බව අමාත්‍යාංශය නිවේදනය කළේය.
newsfirst.lk
No comments:
Post a Comment