Thursday , 22 March 2012
ගාල්ල කරාපිටිය ශික්ෂණ රෝහලේ අයඩින් ප්‍රතිකාර ඒකකයේ අපද්‍රව්‍ය ටැංකියේ කාන්දුවක් ඇති බවට පවතින වාර්තාවල සත්‍යතාව සොයා බැලීමට ඉදිරියේදී පියවර ගන්නා බව පරමාණුක ශක්ති අධිකාරිය පවසයි.
එහි සභාපති ආචාර්ය ආර්.එල්.විජයවර්ධන පැවසුවේ මේ සම්බන්ධයෙන් සොයා බැලීම කණ්ඩායමක් එම රෝහලට යැවීමට බලාපොරොත්තුවනබවය.
ගාල්ල කරාපිටිය ශික්ෂණ රෝහලේ අයඩීන් ප්‍රතිකාර ඒකකයේ අපද්‍රව්‍ය ටැංකි 02ක් පොළොව මතුපිට ඉදිකර තිබේ.
අප වාර්තාකරු ප්‍රකාශ කළේ එම ටැංකිවලින් අපද්‍රව්‍ය කාන්දුවන බවට රෝහල් සේවකයින් චෝදනා කරන බවය.
මේ සම්බන්ධයෙන් අප ගාල්ල කරාපිටිය ශික්ෂණ රෝහලේ අධ්‍යක්ෂ වෛද්‍ය ෂෙල්ටන් පෙරේරාගෙන් විමසීමක් කළේය.
ඔහු පැවසුවේ එවැනි කාන්දුවක් සම්බන්ධයෙන් කිසිදු රෝහල් සේවකයෙක්ගෙන් පැමිණිල්ලක් ලැබී නොමැති බවය.
මීට මාස 2කට පමණ ඉහතදි අවසන්වරට පරමාණුක ශක්ති අධිකාරිය මගින් ලබාදුන් වාර්තාවේ ද එවැනි ගැටලුවක් ඇති බව සදහන්ව නොමැති බව අධයක්ෂවරයා ප්‍රකාශ කළේය.
මේ අතර අප කළ විමසීමකදි පරමාණුක ශක්ති අධිකාරියේ සභාපතිවරයා පැවසුවේ මේ පිළිබඳව මාධ්‍ය වාර්තා පලවී ඇති බැවින් ඒ සම්බන්ධයෙන් ඉදිරියේදි සොයා බලන බවය.
newsfirst.lk
No comments:
Post a Comment