නෝමන් පලිහවඩන
මනෝවෛද්‍යවරයකු බව හඟවා පුද්ගලයන් විශාල පිරිසක්‌ නොමග යවා රුපියල් ලක්‌ෂ ගණනක්‌ මුදල් වංචා කළ හොර මනෝවෛද්‍යවරයකු මහනුවර පොලිසියේ විශේෂ පොලිස්‌ කණ්‌ඩායමක්‌ මගින් අත්අඩංගුවට ගෙන ඇත.
ඔහු සතිඅන්ත පුවත්පතකට මනෝවෛද්‍යවරයකු ලෙස කොටස්‌ වශයෙන් ලිපි සපයා ඇති අතර රූපවාහිනි වැඩසටහන්වලට පවා සහභාගි වී ඇතැයි හෙළි වී තිබේ.
තවත් විටක වෛද්‍ය විශේෂඥයකු ලෙසද පෙනී සිට ඇති ඔහු ජනාධිපති ලේකම්වරයාගේ අත්සන් පවා හොරට ගසාගෙන රුපියල් ලක්‌ෂ ගණන් මුදල් ලබාගෙන ඇත. පාසල්වල ළමයින් ඇතුළත් කිරීමටද මුල්වී ඇති අතර තරුණ කාන්තාවන්ද මුළාකරගෙන ඔවුන් සමඟ පවුල් ජීවිත ගත කර ඇති බව මහනුවර පොලිසිය කියයි.
ඔහු හොර උපාධි පවා හිමිකර ගෙන ඇති අතර විදේශයන්හි වීසා පහසුකම් පවා තිබෙන බවට ප්‍රකාශ කර බොහෝ දෙනකු නොමඟ යවා තිබේ.
මෙම හොර මනෝ වෛද්‍යවරයා කාන්තාවන්ගේ මානසික ප්‍රශ්න පවා විමසන මුවාවෙන් ඔවුන්ට විවිධ යෝජනා පවා ඉදිරිපත් කර ඇතැයි වාර්තා වේ.
මෙම හොර මනෝ වෛද්‍යවරයාට රැවටුණු කාන්තාවන් බොහෝ දෙනකු ලඡ්ජාව නිසා පොලිසියට ඉදිරිපත් වී නැති බව පොලිසිය කියයි.
ඔහු ළඟ තිබූ ව්‍යාජ හැඳුනුම්පත් කිහිපයක්‌ම පොලිස්‌ පරීක්‌ෂණයට භාජන කරගෙන යයි.
Divaina 2012.03.27
No comments:
Post a Comment