2012 මාර්තු මස 26 20:12:38 | සජිව විජේවීර
ඇඹිලිපිටිය රෝහලේ ශල්‍යාගාරය අබලන් වීම හේතුවෙන් එය අද සිට වසා රොගීහු රත්නපුර රෝහලට මාරුකරනු ලැබූහ. වෛද්‍යවරුන් පවසන්නේ එහි කිසිදු දොරක් වැසිය නොහැකි තරමට වේයන් කා දමා ඇති බවයි. වහලේ පුස් ශල්‍යාගාරයට වැටෙන බවත් කුහුඹුන් වැනි කෘමීන් එහි බහුල බවත් ශල්‍යාගාරයට සෞඛ්‍යාරක්ෂිත කරාමයක් නැති බවත් ඔවුහු කියති.
උදර කුහරය විවරකර සිදුකරන සියළුම වර්ගයේ සැත්කම්, සිසේරියන් සැත්කම්, හර්නියා සැත්කම් මෙන්ම පිළිකා ඉවත්කිරීමේ සැත්කම් ද මෙතෙක් මේ රෝහලේ සිදුකැරුණි. අද සිට එහි කළ හැක්කේ අක්ෂි සැත්කම් පමණි. රෝහලේ වෛද්‍ය අධිකාරී අනෝජ රොඩ්‍රිගු මහතා පවසන්නේ අලුත්වැඩියා කටයුතු ඇති බැවින් හදිසි නොවන සැත්කම් නවතා දැමූ බවයි.
lankadeepa.lk
No comments:
Post a Comment