රජයේ ආයුර්වේද වෛද්‍ය නිලධාරීන්ගේ ගැටලුවලට විසඳුම් ලබා ගැනීමේ අරමුණින් ලබන සඳුදා (09 වැනිදා) ලෙඩ නිවාඩු දමා සේවයෙන් ඉවත් වන බව එම සංගමයේ ප්‍රධාන ලේකම් වෛද්‍ය ජී. හේවාගමගේ මහතා පවසයි.
දේශීය වෛද්‍ය ක්‍ෂේත්‍රයේ නියුතු වූවන් මුහුණපා සිටින ගැටලු පාලකයන් වෙත යොමු කර මේ වන විට වසර 03 කට අධික කාලයක්‌ ගතවී ඇතත් ඒ සඳහා නිසි විසඳුම් නොලැබීම නිසා මෙසේ ලෙඩ නිවාඩු වාර්තා කරන බව වෛද්‍ය හේවාගමගේ මහතා කියා සිටී.
2011 හා 2012 අය-වැයෙන් විශේෂ වෘත්තිකයන් සඳහා ලබාදුන් දීමනා ඇතුළු ආයුර්වේද වෛද්‍යවරුන්ට හිමි දීමනා ලබා ගැනීම, පාරම්පරික වෛද්‍යවරුන්ට විශ්‍රාම වැටුපක්‌ ලබා ගැනීම, ප්‍රජා සෞඛ්‍ය වෛද්‍ය සහකාර නිලධාරීන්ගේ වෘත්තිය ගැටලුව විසඳීම හා
රැකියා විරහිත ආයුර්වේද උපාධිධාරීන්ට රැකියා ලබාදීමේ ජාතික වැඩපිළිවෙළක්‌ සකස්‌ කිරීම ආදී ගැටලුවට විසඳුම් ලබාදෙන ලෙස රජයට බල කිරීමේ අරමුණින් මෙසේ ලෙඩ නිවාඩු වාර්තා කරන බවත් ඒ මහතා සඳහන් කරයි.
මීට සමගාමීව ප්‍රධාන නගරවල අත්පත්‍රිකා බෙදමින් ජනතාව දැනුවත් කිරීමට කටයුතු කරන බවද ඒ මහතා වැඩිදුරටත් සඳහන් කර සිටී.
Divaina 2012.01.06
No comments:
Post a Comment