[Sunday, January 15, 2012]
පෞද්ගලික විශ්වවිද්‍යාල පනත ඉදිරිපත් නොකිරීමට කැබිනට් මණ්ඩලය තීන්දු කර තිබේ. පෞද්ගලික විශ්වවිද්‍යාල ක‍්‍රමයක් රටට අවශ්‍ය නැතැ යි කිව නොහැකිය. එහෙත් එය ක‍්‍රියාවට නගන්නට උත්සාහ කැරුණු ආකාරය ප‍්‍රශස්ත නැත. විශ්වවිද්‍යාල ගුරු ප‍්‍රජාවගේද ශිෂ්‍ය ප‍්‍රජාවගේ හා මහජනයාගේ සහාය ලබාගැනීමට දරන බලවත් උත්සාහයකින් තොරව එය හිතුවක්කාරී ලෙස ක‍්‍රියාවට නගන්නට දරන ලද උත්සාහය තුළ ඒ සඳහා මුලදී තිබුණු වාසිදායක වටාපිටාවද නැතිකර ගත්තේයැ යි කිව හැකිය. පළමුව ඒ සඳහා විශ්වවිද්‍යාල ප‍්‍රජාව හා මහජනයා අතර විශ්වාසයක් ඇති කිරීමට අසමත්වීමය. සිදුවූ ඊළඟ වැරැද්ද ලෙස සැලකිය හැක්කේ අත්හදා බැලීමක් වශයෙන් හෝ පළමුවෙන් කරළියට ගන්නට ගිය වෛද්‍ය විද්‍යාලය නිසි ප‍්‍රමිති තත්ත්වයක් ඇති වෛද්‍ය විද්‍යාලයක් නොවීමය.
පෞද්ගලික විශ්වවිද්‍යාල ක‍්‍රමයක් ක‍්‍රියාවට නැගීමේ පිළිවෙතේ වරදක් තිබුණා සේ ම කුණුවී තිබුණු ආයතන ක‍්‍රමයේද වරදක් තිබුණි. ආයතන ක‍්‍රමය කොතරම් කුණුවී තිබෙනවාද කියනවා නම් එය තිබෙන්නේ කිසිදු හොඳ වැඩසටහන් පවා සාර්ථකව ක‍්‍රියාවට නැගිය නොහැකි තත්ත්වයකය.
මෙව අවුල විශ්වවිද්‍යාල අධ්‍යාපනයට පමණක් සීමාවී නැත. පාසල් අධ්‍යාපනය තුළ ඇත්තේ අවුලකි. උසස් පෙළ විභාග ප‍්‍රතිඵල ආරාවුල එම අර්බුදයේම තවත් අලූත් ප‍්‍රතිඵලයක් ලෙස සැලකිය හැකිය. විභාග ප‍්‍රතිඵල ආරාවුල සොයා බැලීම සඳහා ජනාධිපති කොමිසමක් පත්කිරීමටද එම අර්බුදයට විසඳුමක් වී ඇති බවක් පෙනෙන්නට නැත. දැන් සූත‍්‍රය හඳුන්වා දුන් මහාචාර්යවරයා කියන්නේ මෙවර අගය සකසා තිබෙන ආකාරය වැරදි බවය.
මෙම අවුල අධ්‍යාපන ක‍්‍රමයේ පමණක් නොව, අන් හැමතැනම පවත්නා තත්ත්වයක් බව කිවහැකිය. ආණ්ඩුවේ රෝහල් සඳහා ඖෂධ මිලදී ගැනීම් සඳහා වැය කැරෙන මුදල් ඉතා විශාල වුවත් එම මුදලේ අගයෙන් 50%ක් වටිනාකමටත් ඖෂධ මිලදී ගැනෙන්නේ නැත. ඉතිරි සියලූ මුදල් යන්නේ සෞඛ්‍ය අංශය වසාගෙන තිබෙන මාෆියාවේ සාක්කුවලටය. මෙම අධ්‍යාපනය, සෞඛ්‍ය යන අංශවල පමණක් නොව, අන් හැම තැනකම දක්නට ලැබෙන තත්ත්වයකි.
ප‍්‍රභාකරන් පරාජය කිරීමෙන් පසුව කුණුවී තිබෙන දේශපාලන ක‍්‍රමය පුළුල් ප‍්‍රතිසංවිධානයකට ලක්කිරීම අවශ්‍ය බව අප පුන පුනා කියන්නේ දැන් රට තිබෙන්නේ එවැනි ප‍්‍රතිසංවිධානයකින් තොරව ඉදිරියට යාහැකි තත්ත්වයක නොවන නිසාය. ප‍්‍රභාකරන්ගේ ත‍්‍රස්තවාදය පවතින තෙක් දේශපාලන ක‍්‍රමයේ ප‍්‍රතිසංස්කරණයකට ඉඩක් නොතිබුණි. ඒ ඓතිහාසික අවස්ථාව රටට උදාවී ඇත්තේ ප‍්‍රභාකරන්ගේ ත‍්‍රස්තවාදය පරාජය කිරීමෙන් පසුවය. උගත් පාඩම් කොමිසම දන්වා තිබෙන නිර්දේශ ක‍්‍රියාත්මක කළ හැකිවනු ඇත්තේද දේශපාලන ක‍්‍රමය ප‍්‍රතිසංවිධානය කැරෙන වැඩසටහනකින් පමණය.
එක් අතකින් යුද්ධය නිසා දෙමළ ජනතාවගේ හදවත්වල ඇතිවී තිබෙන බිඳීම සුව කළ යුතුය. එයද ප‍්‍රතිසංවිධාන වැඩපිළිවෙළක න්‍යාය පත‍්‍රයට ඇතුළත් විය යුතුව තිබෙන ප‍්‍රධාන අංගයකි. ඒ සමග මුළු මහත් ආයතන ක‍්‍රමයම වසාගෙන තිබෙන පිළිකා වර්ග දෙකක් ලෙස සැලකිය හැකි දේශපාලනකරණය හා දූෂණය ජයගත යුතුව තිබේ. විශේෂයෙන්ම දේශපාලන බලපෑම්වලට යටත් නැති දූෂණයෙන් තොර ස්වාධීන අධිකරණ ක‍්‍රමයක් ඇති කරගත යුතුය. හිටපු අගවිනිසුරුවරයකු වූ සරත් නන්ද සිල්වා අධිකරණයේ ගමන් මග මුළුමනින් ආපසු හැරවූයේය. ඉන්පසු ඒ තනතුරට මේ දක්වා නව අගවිනිසුරුවරුන් දෙදෙනකු පත්වුවද සිදුවී තිබුණු බරපතළ වැරදි නිවැරදි කිරීමක් සිදුවූයේ නැත. විශාල ලෙස අපිරිසිදු වී තිබූ තැනක් පිරිසිදු කිරීමකින් තොරව පාවිච්චි කරන විට එය සැලකිය යුත්තේ පිරිසිදු තැනක් ලෙස නොව, අපිරිසිදු තැනක් ලෙසය. අධිකරණ ක‍්‍රමය පමණක් නොව, දේශපාන ක‍්‍රමයද කුණුවී තිබෙන තරම අනුව බලන විට අධිකරණයේ අනුප‍්‍රාප්තික නායකයන්ට දේශපාලන ක‍්‍රමය මුළු මහත් වශයෙන් ගෙන කරන ප‍්‍රතිසංවිධානයකින් තොරව අධිකරණය පමණක් තනිව ගෙන පිරිසිදු කිරීමේ හැකියාවක්ද නොතිබුණේයැ යි කිව හැකිය. මෙම කුණුවීමේ ක‍්‍රියාවලිය දේශපාලන පක්ෂ ක‍්‍රමයටද අදාළය.
මේ තත්ත්වය ජනාධිපති ප‍්‍රමුඛ ආණ්ඩු පක්ෂය පමණක් නොව විරුද්ධ පක්ෂයද බැරෑරුම් ලෙස සලකා බලන තැනකට යායුතුය. පක්ෂ භේදයෙන් තොරව එකට එකතු වී රට පූර්ණ ප‍්‍රතිසංවිධානයකට ලක්කිරීමේ අවශ්‍යතාව ගැන බැරෑරුම් ලෙස සලකා බලන තැනකට යායුතුය.
පෞද්ගලික විශ්වවිද්‍යාල ක‍්‍රමයක් ක‍්‍රියාවට නැගීමේ පිළිවෙතේ වරදක් තිබුණා සේ ම කුණුවී තිබුණු ආයතන ක‍්‍රමයේද වරදක් තිබුණි. ආයතන ක‍්‍රමය කොතරම් කුණුවී තිබෙනවාද කියනවා නම් එය තිබෙන්නේ කිසිදු හොඳ වැඩසටහන් පවා සාර්ථකව ක‍්‍රියාවට නැගිය නොහැකි තත්ත්වයකය.
මෙව අවුල විශ්වවිද්‍යාල අධ්‍යාපනයට පමණක් සීමාවී නැත. පාසල් අධ්‍යාපනය තුළ ඇත්තේ අවුලකි. උසස් පෙළ විභාග ප‍්‍රතිඵල ආරාවුල එම අර්බුදයේම තවත් අලූත් ප‍්‍රතිඵලයක් ලෙස සැලකිය හැකිය. විභාග ප‍්‍රතිඵල ආරාවුල සොයා බැලීම සඳහා ජනාධිපති කොමිසමක් පත්කිරීමටද එම අර්බුදයට විසඳුමක් වී ඇති බවක් පෙනෙන්නට නැත. දැන් සූත‍්‍රය හඳුන්වා දුන් මහාචාර්යවරයා කියන්නේ මෙවර අගය සකසා තිබෙන ආකාරය වැරදි බවය.
මෙම අවුල අධ්‍යාපන ක‍්‍රමයේ පමණක් නොව, අන් හැමතැනම පවත්නා තත්ත්වයක් බව කිවහැකිය. ආණ්ඩුවේ රෝහල් සඳහා ඖෂධ මිලදී ගැනීම් සඳහා වැය කැරෙන මුදල් ඉතා විශාල වුවත් එම මුදලේ අගයෙන් 50%ක් වටිනාකමටත් ඖෂධ මිලදී ගැනෙන්නේ නැත. ඉතිරි සියලූ මුදල් යන්නේ සෞඛ්‍ය අංශය වසාගෙන තිබෙන මාෆියාවේ සාක්කුවලටය. මෙම අධ්‍යාපනය, සෞඛ්‍ය යන අංශවල පමණක් නොව, අන් හැම තැනකම දක්නට ලැබෙන තත්ත්වයකි.
ප‍්‍රභාකරන් පරාජය කිරීමෙන් පසුව කුණුවී තිබෙන දේශපාලන ක‍්‍රමය පුළුල් ප‍්‍රතිසංවිධානයකට ලක්කිරීම අවශ්‍ය බව අප පුන පුනා කියන්නේ දැන් රට තිබෙන්නේ එවැනි ප‍්‍රතිසංවිධානයකින් තොරව ඉදිරියට යාහැකි තත්ත්වයක නොවන නිසාය. ප‍්‍රභාකරන්ගේ ත‍්‍රස්තවාදය පවතින තෙක් දේශපාලන ක‍්‍රමයේ ප‍්‍රතිසංස්කරණයකට ඉඩක් නොතිබුණි. ඒ ඓතිහාසික අවස්ථාව රටට උදාවී ඇත්තේ ප‍්‍රභාකරන්ගේ ත‍්‍රස්තවාදය පරාජය කිරීමෙන් පසුවය. උගත් පාඩම් කොමිසම දන්වා තිබෙන නිර්දේශ ක‍්‍රියාත්මක කළ හැකිවනු ඇත්තේද දේශපාලන ක‍්‍රමය ප‍්‍රතිසංවිධානය කැරෙන වැඩසටහනකින් පමණය.
එක් අතකින් යුද්ධය නිසා දෙමළ ජනතාවගේ හදවත්වල ඇතිවී තිබෙන බිඳීම සුව කළ යුතුය. එයද ප‍්‍රතිසංවිධාන වැඩපිළිවෙළක න්‍යාය පත‍්‍රයට ඇතුළත් විය යුතුව තිබෙන ප‍්‍රධාන අංගයකි. ඒ සමග මුළු මහත් ආයතන ක‍්‍රමයම වසාගෙන තිබෙන පිළිකා වර්ග දෙකක් ලෙස සැලකිය හැකි දේශපාලනකරණය හා දූෂණය ජයගත යුතුව තිබේ. විශේෂයෙන්ම දේශපාලන බලපෑම්වලට යටත් නැති දූෂණයෙන් තොර ස්වාධීන අධිකරණ ක‍්‍රමයක් ඇති කරගත යුතුය. හිටපු අගවිනිසුරුවරයකු වූ සරත් නන්ද සිල්වා අධිකරණයේ ගමන් මග මුළුමනින් ආපසු හැරවූයේය. ඉන්පසු ඒ තනතුරට මේ දක්වා නව අගවිනිසුරුවරුන් දෙදෙනකු පත්වුවද සිදුවී තිබුණු බරපතළ වැරදි නිවැරදි කිරීමක් සිදුවූයේ නැත. විශාල ලෙස අපිරිසිදු වී තිබූ තැනක් පිරිසිදු කිරීමකින් තොරව පාවිච්චි කරන විට එය සැලකිය යුත්තේ පිරිසිදු තැනක් ලෙස නොව, අපිරිසිදු තැනක් ලෙසය. අධිකරණ ක‍්‍රමය පමණක් නොව, දේශපාන ක‍්‍රමයද කුණුවී තිබෙන තරම අනුව බලන විට අධිකරණයේ අනුප‍්‍රාප්තික නායකයන්ට දේශපාලන ක‍්‍රමය මුළු මහත් වශයෙන් ගෙන කරන ප‍්‍රතිසංවිධානයකින් තොරව අධිකරණය පමණක් තනිව ගෙන පිරිසිදු කිරීමේ හැකියාවක්ද නොතිබුණේයැ යි කිව හැකිය. මෙම කුණුවීමේ ක‍්‍රියාවලිය දේශපාලන පක්ෂ ක‍්‍රමයටද අදාළය.
මේ තත්ත්වය ජනාධිපති ප‍්‍රමුඛ ආණ්ඩු පක්ෂය පමණක් නොව විරුද්ධ පක්ෂයද බැරෑරුම් ලෙස සලකා බලන තැනකට යායුතුය. පක්ෂ භේදයෙන් තොරව එකට එකතු වී රට පූර්ණ ප‍්‍රතිසංවිධානයකට ලක්කිරීමේ අවශ්‍යතාව ගැන බැරෑරුම් ලෙස සලකා බලන තැනකට යායුතුය.
Sunday, January 15, 2012 - Ravaya Publication
No comments:
Post a Comment