ඒමන්ති මාරඹේ
සේවා ඉල්ලීම් 8 ක්‌ මුල්කරගෙන රජයේ රෝහල් පරිපූරක වෛද්‍ය සේවා වෘත්තිකයෝ ලබන අඟහරුවාදා (17) දා සෞඛ්‍ය අමාත්‍යාංශය ඉදිරිපිටදී උද්ඝෝෂණයක නිරතවීමටත් බදාදා (18 දා) ලෙඩ නිවාඩු මත සේවයට වාර්තා නොකිරීමටත් තීරණය කර ඇත.
මෙම වෘත්තීය සමිති ක්‍රියාමාර්ගයන් සඳහා රජයේ ඖෂධවේදීන්, විකිරණ ශිල්පීන්, වෛද්‍ය රසායනාගාර කාර්මික ශිල්පීන් (එම්. එල්. ටී.) වෘත්තීයවේදී චිකිත්සකයන් හා භෞතවේදී චිකිත්සකයන් (ෆිසියෝතෙරපිස්‌ට්‌ස්‌) සහභාගි වන බව පරිපූරක වෛද්‍ය වෘත්තිකයන්ගේ ඒකාබද්ධ බලමණ්‌ඩලය පවසයි.
පරිපූරක වෛද්‍ය සේවා උපාධිධාරි සේවාව වහා පිහිටුවීම, පරිපූරක වෛද්‍ය සේවාවන් සඳහා නිර්දේශ ඇමතුම් දීමනා, භාණ්‌ඩ භාරකාරත්ව දීමනා, අමතර සේවා දීමනා, දුරකථන බිල්පත් දීමනා වහා ලබාදීම, ඇන හිට ඇති පළමු ශ්‍රේණි උසස්‌වීම් වහා ලබාදීම ඇතුළු සේවා ඉල්ලීම් 8 ක්‌ මුල් කරගෙන මෙම වෘත්තීය සමිති ක්‍රියා මාර්ගයන් දියත් කරන බව එම බලමණ්‌ඩලය කියයි.
අදාළ ඉල්ලීම් සම්බන්ධව සාකච්ඡා වට 4 ක්‌ පසුගිය කාලයේ සෞඛ්‍ය අමාත්‍යාංශ නිලධාරීන් හා තම බලමණ්‌ඩල නියෝජිතයන් අතර පැවතියද ඒවායින් කිසිදු විසඳුමක්‌ ලබාගැනීමට හැකි නොවූ බව පරිපූරක වෛද්‍ය වෘත්තිකයන්ගේ ඒකාබද්ධ බලමණ්‌ඩලයේ ප්‍රකාශකයෙක්‌ zzදිවයිනZZ ට පැවසීය.
Divaina 2012.01.14
No comments:
Post a Comment