සිය සේවා ගැටුම්වලට විසඳුම් ලබා ගැනීම සඳහා රජයේ වෛද්‍ය නිලධාරීන්ගේ සංගමයෙන් වෙන් වී වෙනම වෘත්තීය සමිතියක්‌ පිහිටුවා ගැනීමේ අරමුණින් කොළඹ ජාතික රෝහලේ සියලු ශ්‍රේණිගත වෛද්‍යවරුන්ගේ සහභාගිත්වයෙන් හෙට (12 දා) දහවල් එම රෝහලේ වෛද්‍ය නේවාසිකාගාරයේ හදිසි මහ සභා රැස්‌වීමක්‌ පැවැත්වෙන බව ජාතික රෝහලේ ජ්‍යෙෂ්ඨ වෛද්‍ය නිලධාරිවරයකු "දිවයින" ට පැවසීය.
හෙට දහවල් 12.30 ට කැඳවා ඇති මෙම හදිසි මහ සභා රැස්‌වීමේදී ශ්‍රේණිගත වෛද්‍යවරුන් මුහුණ පා ඇති වැටුප් විෂමතා ප්‍රශ්නය ඇතුළු සේවා ගැටලු සම්බන්ධ පුළුල් අන්දමින් සාකච්ඡා කර වෙනම වෘත්තීය සමිතියක්‌ පිහිටුවා ගැනීමට කටයුතු යොදා ඇතැයි එම වෛද්‍ය නිලධාරියා කීවේය. ජාතික රෝහලේ ශ්‍රේණිගත වෛද්‍යවරුන්ට වඩා විශේෂඥ වෛද්‍යවරුන්ට වැඩි වරප්‍රසාද හිමි වන අයුරින් වෛද්‍ය නිලධාරීන්ගේ සංගමයේ ඇතැම් නිලධාරීන් කටයුතු සකස්‌ කර ගෙන තිබීම ශ්‍රේණිගත වෛද්‍යවරුන්ගේ කලකිරීමට හේතු වී ඇතැයිද හෙතෙම වැඩිදුරටත් සඳහන් කළේය.
Divaina 2012.01.11
No comments:
Post a Comment