ඒමන්ති මාරඹේ
යෝජිත පෞද්ගලික විශ්වවිද්‍යාල පනත යටතේ පිහිටුවීමට යන විශ්වවිද්‍යාල ප්‍රතිපාදන කොමිෂන් සභාවට ඉහළින් පවතින විශේෂ ආයතන පද්ධතිය මගින් වෛද්‍ය අධ්‍යාපනය බිඳ වැටීමේ අවදානමක්‌ පවතින බැවින් එවැන්නකට තම සංගමය දැඩි සේ විරෝධය පළ කර සිටින බව රජයේ වෛද්‍ය නිලධාරින්ගේ සංගමය පවසයි.
මෙවැනි ආයතන පද්ධතියක්‌ හරහා ශ්‍රී ලංකා වෛද්‍ය සභාව වැනි වෛද්‍ය අධ්‍යාපනය හා වෛද්‍ය සේවාවේ ගුණාත්මක බව ආරක්‍ෂා කරන ආයතන පවා හෑල්ලුවට ලක්‌ වන බව පෙන්වා දෙන වෛද්‍ය නිලධාරීන්ගේ සංගමය ශ්‍රී ලංකා වෛද්‍ය සභාවට ඉහළින් කිසිදු ආයතනයක්‌ පිහිටුවනවාට තම සංගමයට එකඟ විය නොහැකි යෑයි අවධාරණය කරයි.
මෙම මතභේදාත්මක පනත මගින් මෙරට සියලු රජයේ විශ්වවිද්‍යාල හා විශ්වවිද්‍යාල ප්‍රතිපාදන කොමිෂන් සභාව අනිසි බලපෑම්වලට ලක්‌ වන බවත්, මේ නිසා මෙම පනතට එරෙහි වූ වෛද්‍ය පීඨ සිසුන් ඇතුළු සරසවි සිසුන්ගේ සාමකාමී විරෝධය වඩාත් විවෘත මනසකින් යුතුව විමසීමකට ලක්‌ කළ යුතු අතර එය මර්දනයට ලක්‌ කළ නොයුතු බවද වෛද්‍ය නිලධාරින්ගේ සංගමයේ ලේකම් වෛද්‍ය චන්දික එපිටකඩුව මහතා පවසයි.
Divaina 2012.01.14
No comments:
Post a Comment