ලක්ෂ දහයක් අත්සන් සොයා

(අනුරාධපුර- බුද්ධික මහේෂ් විජේසූරිය)

සිව් අවුරුදු සම සෞඛ්‍ය උපාධිය තෙවසරක් දක්වා කප්පාදු කිරීමට විරෝධය පළ කරමින් හා සම සෞඛ්‍ය උපාධිය වෙනුවෙන් හඩ නගන සිසුන්ට රජය විසින් මැර ප්‍රහාර එල්ල කර අත්අඩංගුවට ගැනීමට විරෝධය පළ කරමින් අත්සන් දස ලක්ෂයක් ලබා ගැනීමේ  පෙත්සමට අත්සන් ලබා ගැනීම අඟහරුවාදා(20) දහවල් අනුරාධපුර ශික්ෂණ රෝහල් පරිශ්‍රයේදී සිදු කෙරිණි.

පරිපූරක වෛද්‍ය සේවා වෘත්තීය සමිති ඒකාබද්ධ බළ මණ්ඩලය විසින් මෙම පෙත්සමට අත්සන් ලබා ගැනීම 18 වනදා කොළඹ ජාතික රෝහල ඉදිරිපිටින් ආරම්භ කළ බවත්, ඊට සහය දක්වමින් අනුරාධපුර දිස්තක්කයේ අත්සන් ලබා ගැනීම සඳුදා(19) ආරම්භ කළ බව රජයේ ඖෂධවේදීන්ගේ සංගමයේ ප්‍රධාන ලේකම් අජිත් පී තිලක රත්න මහතා පැවසීය.අනුරාධපුර ශීක්ෂණ රෝහල ඉදිරිපිට පිහිති ජයිකා ගොඩනැගල්ල ඉදිරිපිට මෙම පෙත්සමට අත්සන් ලබා ගැනීම ආරම්භ කළ අතර හෙද නිළධාරීන්, නිළධාරිනියන් හා රෝහලට පැමිණි පුද්ගලයින් මෙම පෙත්සමට අත්සන් තබා සහය දක්වන අයුරු ජායා රූපයේ දැක්වේ.

http://lakbima.lk/index.php?option=com_content&view=article&id=36853%3A2014-05-20-09-27-30&catid=37%3Aslider