නීති විද්‍යාල ප්‍රවේශය සඳහා වයස අවුරුදු 35 ට අඩු විය යුතු බවට පනවා තිබූ සීමාව ඉවත් කර ඇත. මේ අනුව එම වයස්‌ සීමාව ඉක්‌මවූ පිරිස්‌ සඳහා ද නීති ප්‍රවේශයට මේ වසරේ (2012) පටන් අවස්‌ථාව හිමිවන බව ද මීට නීති අධ්‍යාපන සභාව අධිකරණය වෙත දැක්‌වූ එකඟතාව මත අදාළ තීරණයට එළැඹීමට හැකි වූ බව ද එම අධ්‍යාපන සභාවේ ප්‍රකාශකයෙක්‌ "දිවයින" ට පැවසීය.
අ.පො.ස. උසස්‌ පෙළ විභාගයේ ඕනෑම අංශයකින් විෂයන් තුනක්‌ සඳහා සාමාන්‍ය සාමාර්ථ සහ සාමාන්‍ය පෙළ විභාගයේ සිංහල හෝ දෙමළ භාෂාව සඳහා සම්මාන සාමාර්ථයක්‌ ද ඉංග්‍රීසි භාෂාව සඳහා සම්මාන සාමාර්ථයක්‌ ද සහිත වීම නීති ප්‍රවේශය සඳහා වන අවම සුදුසුකම්ය.
මීට අමතරව නීති අධ්‍යාපන සභාව විසින් අනුමත කරන ලද වෙනත් විකල්ප සුදුසුකම් ද සලකා බැලෙන අතර නීති ප්‍රවේශය සඳහා පැවැත්වෙන තරග විභාගය මෙම වසරේ (2012) සැප්තැම්බර් මාසයේදී පැවැත්වීමට නියමිතය.
ඒ සඳහා වන ලියාපදිංචි කිරීම් ලබන පෙබරවාරි මාසයේදී සිදු කිරීමට නියමිත බව ඉහත ප්‍රකාශකයා වැඩිදුරටත් පැවසීය.
Divaina 2012.01.04
No comments:
Post a Comment