කාලෝ ෆොන්සේකාට අපි විරුද්ධයි - රජයේ වෛද්‍ය නිලධාරීන්ගේ සංගමය

2012 ජනවාරි 02 වෙනි සදුදා, 13:31

වෛද්‍ය සභාවේ හිටපු සභාපති මහාචාර්ය ලලිතා මෙන්ඩිස් ඊයේ දිනයේදී එම ධුරයෙන් විශ‍්‍රාම ගැනීමෙන් පුරප්පාඩු වූ තනතුරට සෞඛ්‍ය අමාත්‍යවරයා විසින් මහාචාර්ය කාලෝ ෆොන්සේකා මහතාව පත් කළ බව සෞඛ්‍ය අමාත්‍යාංශයේ උසස් නිලධාරියෙකු ප‍්‍රකාශ කළේය.

වෛද්‍ය සභාවේ සභාපති ධුරයට පත් මහාචාර්ය කාලෝ ෆොන්සේකා මහතා හෙට පෙ.ව 10.00 ට වෛද්‍ය සභා කාර්යාලයේදී ඔහු සිය රාජකාරි කටයුතු ආරම්භ කිරීමට නියමිතය.

කෙසේ වෙතත් මහාචාර්ය කාලෝ ෆොන්සේකා මහතා එම තනතුරට පත් කළ හොත් ඊට තමන් දැඩිව විරෝධය දක්වන බව රජයේ වෛද්‍ය නිලධාරීන්ගේ සංගමය මීට පෙර ප‍්‍රකාශ කර තිබිණ.

මාළඹේ පෞද්ගලික වෛද්‍ය විද්‍යාලය සම්බන්ධයෙන් මහාචාර්ය කාලෝ ෆොන්සේකා දරණ මතය සමස්ත වෛද්‍ය ප‍්‍රජාවම ඒ සම්බන්ධයෙන් දරන මතයට පරස්පර වීම මීට හේතුවයි.

http://www.lankatruth.com/sinhala/index.php?option=com_content&view=article&id=949:2012-01-02-08-06-18&catid=41:local&Itemid=74