2012 මැයි 10 වෙනි බ්‍රහස්පතින්දා, 17:37
හෙද සේවාවට අයත් දීමනා වහා වැඩි කරන ලෙස ඉල්ලා රජයේ හෙද නිලධාරීන් දීපව්‍යප්ත උද්ඝෝෂණ ව්‍යාපාරයක් ආරම්භ කිරීමට තීරණය කර ඇතැයි රජයේ හෙද නිලධාරීන්ගේ සංගමය පවසයි.
සිය ඉල්ලීම් ලබාදෙන ලෙසට කළ ඉල්ලීම් සලකා බැලීම සඳහා භාණ්ඩාගාර ලේකම්වරයාගේ ප්‍රධානත්වයෙන් මාර්තු මස පළමු සතියේ විශේෂ කමිටුවක් පත් කළ ද මේ වනතෙක් එම ඉල්ලීම් ලබා දී නොමැති බව සංගමයේ සභාපති සමන් රත්නප්‍රිය සඳහන් කර තිබේ.
හෙද සේවාවේ දීමනා වසර 2001 සිට ඉහළ නංවා නොමැති අතර ඉදිරි දෙසතිය තුළ කමිටු නිර්දේශ ලබා දී දීමනා වැඩි නොකළහොත් උද්ඝෝෂණ ව්‍යාපාරය ආරම්භ කරන බව සංගමය අවධාරණය කරයි.
asianmirror.com
No comments:
Post a Comment