ඒමන්ති මාරඹේ
ලබන ජුනි මස 30 වැනිදා පැවැත්වීමට නියමිත රජයේ වෛද්‍ය නිලධාරීන්ගේ සංගමයේ නිලවරණයේ මැතිවරණ ප්‍රචාරක කටයුතු සඳහා ඉකුත් සෙනසුරාදා (19 දා) කොළඹ ජාතික රෝහල වෙත පැමිණි සංගමයේ සභාපති විශේෂඥ වෛද්‍ය අනුරුද්ධ පාදෙනිය මහතා හා ඔහුගේ සහායට පැමිණි වෛද්‍ය උපාධිධාරීන් සිවුදෙනකු ජාතික රෝහලේ වෛද්‍යවරුන් පිරිසක්‌ විසින් රෝහල් භූමියෙන් පළවාහැර ඇතැයි ජාතික රෝහලේ ජ්‍යෙෂ්ඨ වෛද්‍ය නිලධාරිවරයකු "දිවයින"ට පැවැසීය.
ඉදිරි නිලවරණයේදී නැවත වරක්‌ සභාපති ධුරය සඳහා තරග කරන වෛද්‍ය පාදෙනිය මහතා තම මැතිවරණ පොරොන්දු ඇතුළත් පත්‍රිකා ද රැගෙන ජාතික රෝහලේ වෛද්‍යවරුන් වෙත ගිය අවස්‌ථාවේදී මෙම සිදුවීම සිදු වී තිබේ. මෙහිදී වෛද්‍යවරුන්ගේ ඉල්ලීම් පාවාදීම පිළිබඳව ප්‍රශ්න කරමින් ඔහු හා සහායකයන් පළවාහැරීමට අදාළ වෛද්‍යවරුන් පිරිස කටයුතු කළ බව ජ්‍යෙෂ්ඨ වෛද්‍ය නිලධාරිවරයා වැඩිදුරටත් සඳහන් කළේය.
http://www.divaina.com/2012/05/22/news20.html
No comments:
Post a Comment