චමින්ද සිල්වා
මාලඹේ පෞද්ගලික වෛද්‍ය විද්‍යාලයට අනුබද්ධව ඉදිකෙරෙන රෝහල සඳහා සෞඛ්‍ය අමාත්‍යංශය කිසිදු අනුමැතියක්‌ ලබාදී නැතැයි සෞඛ්‍ය අමාත්‍යංශ ලේකම් වෛද්‍ය රවීන්ද්‍ර රුබේරු මහතා පැවසීය.
පෞද්ගලික වෛද්‍ය විද්‍යාලයට අනුබද්ධව ඉදිකෙරෙන රෝහල සඳහා සෞඛ්‍ය අමාත්‍යංශයේ අනුමැතිය ලැබී ඇතැයි එම වෛද්‍ය විද්‍යාලයේ නිලධාරියකු මාධ්‍ය වෙත පසුගියදා ප්‍රකාශ කර තිබූ බවත් ඒ සම්බන්ධයෙන් පෙරේදා (21 වැනිදා) තමා කළ සොයා බැලීමේදී රෝහල ඉදිකිරීමට අනුමැතිය ඉල්ලා අයදුම්පතක්‌ හෝ අමාත්‍යංශයට ලැබී නොමැති බව තහවුරු වූ බවත් ලේකම්වරයා කීය.
මාලඹේ පෞද්ගලික වෛද්‍ය විද්‍යාලයට අනුබද්ධව සායන පැවැත්වීම සඳහා මීට වසරකට පමණ පෙර අනුමැතිය ඉල්ලා අයදුම්පතක්‌ සෞඛ්‍ය අමාත්‍යංශය වෙත ඉදිරිපත් කර තිබුණත් එම ඉල්ලීමට අනුමැතිය ලබාදීමට අවශ්‍ය කරන නිර්ණායක සම්පූර්ණ කර නොතිබීම හේතුවෙන් එයටද මෙතෙක්‌ අමාත්‍යංශය අනුමැතිය ලබාදී නැතැයි ලේකම්වරයා වැඩිදුරටත් කියා සිටියේය.
Divaina 2012.04 23
No comments:
Post a Comment