2012 අප්‍රේල් 25 වෙනි බදාදා, 00:41
ආනන්ද කරුණාතිලක
රුපියල් මිලියන 500ක් යොදවයි
2014 වර්ෂය අවසන් වනවිට ගල්ගමුව මූලික රෝහල අංග සම්පූර්ණ මූලික රෝහලක් බවට පත්කරන බව සෞඛ්‍ය අමාත්‍යංශයේ අතිරේක ලේකම් (වෛද්‍ය සේවා) වෛද්‍ය පී. ජී. මහීපාල මහතා කීය. රෝහල් සංවර්ධන කටයුතු සඳහා රුපියල් මිලියන 500ක් වැයකරනවා. ඒ සඳහා ජයිකා ආයතනය මූල්‍යාධාර සපයනවා. ප්‍රසව හා නාරි වෛද්‍ය ඒකකයක්, කායික රෝග විශේෂඥ ඒකකයක්, ළමාරෝග ඒකකයක්, දැඩි සත්කාර ඒකකයක්, ලේ බැංකුවක්, ශල්‍යාගාරයක් ආරම්භ කරන බව පැවසේ. ගොඩනැගිලි ඇතුළු යටිතල පහසුකම් විතරක් නෙවෙයි උපකරණත් ලබාදෙනවා. මානව සම්පත් සියල්ල ලබාදෙනවා. ලංකාවේ රෝහල් හතරක් සංවර්ධනය කිරීමට රුපියල් බිලියන දෙකක් ලබාදෙනවා. ඒ මුදල්වලින් මුලින්ම සංවර්ධනය කරන්නෙ ගල්ගමුව රෝහල.
ගල්ගමුව රෝහ‍ලේ පිහිටීම හා පළාත් සෞඛ්‍යය අමාත්‍යතුමා, සෞඛ්‍යය අධ්‍යක්ෂතුමා ඒවගේම මේ රෝහ‍ලේ වෛද්‍යවරුන්ගේ කැපවීම, රෝහල් සංවර්ධන කමිටුව ඇතුළු බොහෝ දෙනෙකුගේ කැපවීම මේ සඳහා බලපෑවා.
වෛද්‍ය පී. ජි. මහීපාල මහතා මෙම අදහස් ප්‍රකාශ කළේ ගල්ගමුව මූලික රෝහ‍ලේ ශ්‍රවණාගාරයේදී පැවැති රැස්වීමකදීය. මෙම අවස්ථාවට වයඹ පළාත් සෞඛ්‍ය හා දේශීය වෛද්‍ය අමාත්‍ය අසෝක වඩිගමංගාව, වයඹ පළාත් සභා මන්ත්‍රී කුමාර කීර්ති චන්ද්‍රසිරි, හිටපු ක්‍රීඩා අමාත්‍ය බන්දුල බස්නායක, පළාත් සෞඛ්‍යය අමාත්‍යංශයේ ලේකම් පී. බි. එම්. සිරිසේන, පළාත් සෞඛ්‍ය සේවා අධ්‍යක්ෂ ආර්.එම්.එන්.කේ. රත්නායක, ගල්ගමුව මූලික රෝහ‍ලේ අධ්‍යක්ෂ ඩී. පී. වික්‍රමසිංහ ඇතුළු පිරිසක් සහභාගිවූහ.
Lakbima
No comments:
Post a Comment