අජිත් අලහකෝන්
ඕනෑම කෙනෙකුට තම රුධිර පීඩනය මැන බැලීම සඳහා රට පුරා ජනාකීර්ණ නගරවල රුධිර පීඩනමාන යන්ත්‍ර සවි කිරීමට සෞඛ්‍ය අමාත්‍යාංශය තීරණය කර ඇත.
සෞඛ්‍ය ඇමැති මෛත්‍රිපාල සිරිසේන මහතාගේ උපදෙස්‌ මත සහ ජපන් ජාත්‍යන්තර සහයෝගිතා ඒජන්සියේ අනුග්‍රහයෙන් පළමුව මෙම රුධිර පීඩනමාන යන්ත්‍ර සෞඛ්‍ය අමාත්‍යාංශය, ලෝක වෙළෙඳ මධ්‍යස්‌ථානය ඇතුළු කොළඹ ස්‌ථාන පහක පිහිටුවීම මෙම 30 දා සිදුකෙරේ.
සාමාන්‍යයෙන් වයස අවුරුදු තිස්‌පහක්‌ ඉක්‌මගිය පසු ඕනැම පුද්ගලයකු තම රුධිර පීඩනය පරීක්‍ෂා කරගත යුතු නමුත් බොහෝ දෙනකු එසේ නොකරන බව සෞඛ්‍ය අමාත්‍යාංශයේ ප්‍රකාශකයෙක්‌ "දිවයින" ට කීය.
එම නිසා ඕනෑම කෙනෙකුට තම රුධිර පීඩනය නොමිලේ මැන බැලීම සඳහා මෙම යන්ත්‍ර රට පුරා සවි කරන ලෙස සෞඛ්‍ය ඇමැතිවරයා බෝ නොවන රෝග අංශයට උපදෙස්‌ දුන් බව ද ඉහත ප්‍රකාශකයා කීය.
සාමාන්‍ය නිරෝගී පුද්ගලයකුගේ රුධිර පීඩන මට්‌ටම 80-120 අතර තිබිය යුතු අතර මෙම යන්ත්‍ර මගින් යමෙක්‌ තම රුධිර පීඩන මට්‌ටම මැන බලද්දී ඉහත අගයට වඩා වැඩි අගයක්‌ පෙන්නුම් කරන්නේ නම් වහා වෛද්‍ය උපදෙස්‌ ලබාගත යුතු බව ද ඉහත ප්‍රකාශකයා කීය.
Divaina 2012.04.25
No comments:
Post a Comment