Sunday, April 22, 2012
කරාපිටිය බාහිර රෝගී අංශයේ ඊයේ පැය 3 1/2 ක වෛද්‍ය වර්ජනයක්‌
ඒමන්ති මාරඹේ
රෝහල් පාලනාධිකාරයට කිසිදු දැනුම් දීමකින් තොරව කරාපිටිය ශික්‍ෂණ රෝහල් බාහිර රෝගී අංශයේ වෛද්‍යවරුන් විසින් ඊයේ (19දා) උදෑසන වැඩ වර්ජනයක්‌ පවත්වා ඇත. මේ හේතුවෙන් පැය තුනහමාරක පමණ කාලයක්‌ සාමාන්‍ය රෝගීන් වාට්‌ටුවලට ඇතුළු කිරීමටද සෙසු බාහිර රෝගී අංශ කටයුතු ද අඩාලව පැවැති බව රෝහල් ආරංචි මාර්ග පවසයි.
මෙම වර්ජනය හේතුවෙන් බාහිර රෝගී අංශයට පැමිණි රෝගීහු විශාල පිරිසක්‌ අසීරුතාවයට පත්වූහ.
කරාපිටිය ශික්‍ෂණ රෝහල් බාහිර රෝගී අංශයේ ස්‌ථාන භාර වෛද්‍ය නිලධාරීයා හා ජ්‍යෙෂ්ඨ වෛද්‍යවරුන් අතර පැවැති ගැටුමක්‌ මුල් කර ගෙන බාහිර රෝගී අංශයේ සේවය කරන වෛද්‍යවරුන් ඊයේ උදෑසන 9.30 සිට දහවල් 1 දක්‌වා මෙම වර්ජනය ක්‍රියාත්මක කර තිබිණි.
ගැටුමට මුල් වූ ස්‌ථාන භාර වෛද්‍ය නිලධාරීයා වෙනුවට වෙනත් අයකු බාහිර රෝගී අංශයට තාවකාලිකව පත් කිරීමට රෝහල් පාලනාධිකාරය පියවර ගැනීමත් සමගම දහවල් 1 ට පමණ වර්ජනය අවසන් කිරීමට එම වෛද්‍යවරු පියවර ගත්හ.
මෙම වර්ජනය රජයේ වෛද්‍ය නිලධාරීන්ගේ සංගමයේ මැදිහත් වීමකින් තොරව ක්‍රියාත්මක වූ බව කරාපිටිය ශික්‍ෂණ රෝහලේ ප්‍රකාශකයෙක්‌ "දිවයින" ට පැවසීය.
Divaina 2012.04.20
Subscribe to:
Post Comments (Atom)
No comments:
Post a Comment