ඉඳුරුව - තිලක්‌ විඡේසුන්දර
ඉඳුරුව සෞඛ්‍ය වෛද්‍ය නිලධාරි කාර්යාලය මගින් පැවැත්වූ ළදරු හා මාතෘ සායනයකදී රෝග පහක්‌ සඳහා ලබාදෙන ප්‍රතිශක්‌තිකරණ එන්නතක්‌ ලබාදීමෙන් පසුදින මියගිය බව කියන මාස දෙකක්‌ වයසැති පිරිමි දරුවකුගේ මරණය පිළිබඳව පැවැත්වූ හදිසි මරණ පරීක්‍ෂණයේදී ඉඳුරුව හදිසි මරණ පරීක්‍ෂකවරයා විවෘත තීන්දුවක්‌ ලබා දී ඇත.
මෙසේ මරණයට පත්වී ඇත්තේ ඉඳුරුව කයිකාවල එස්‌. ඕ. එස්‌. සුනාමි නිවාස ව්‍යාපෘතියේ පදිංචිව සිටි මුතුමුණි ලක්‍ෂිත සිල්වා දරුවාය.
මේ පිළිබඳව පශ්චාත් මරණ පරීක්‍ෂණය පැවැත්වූ කරාපිටිය රෝහලේ සහකාර අධිකරණ වෛද්‍ය නිලධාරි එල්. කේ. සී. ඩී. ආරියරත්න මහතා සිරුරේ කොටස්‌ වැඩිදුර පරීක්‍ෂණය සඳහා රසායනාගාර පරීක්‍ෂණය සඳහා යවන ලෙස දන්වා ඇති අතර ඉඳුරුව හදිසි මරණ පරීක්‍ෂක පරාක්‍රම අකුරටියගම මහතා ඒ අනුව විවෘත තීන්දුව දී ඇත. කොස්‌ගොඩ පොලිසිය වැඩිදුර පරීක්‍ෂණ පවත්වයි.
Divaina 2012.04.30
No comments:
Post a Comment