2012 මාර්තු 24 වෙනි සෙනසුරාදා, 02:40
රුක්මල් වනසිංහ - කන්ත‍ලේ
ශ්‍රී ලංකා මහජන සෞඛ්‍ය පරීක්ෂකවරුන්ගේ සමිතිය ඉල්ලීම් හතරක් මුල්කරගනිමින් වැඩවර්ජනයකට අවතීර්ණවී සිටින බව එහි උප‍ලේකම් සමන් ජයසිංහ මහතා ‘ලක්බිම’ට ඊයේ (23) පැවැසීය. නිල ඇඳුම් දීමනාව රුපියල් 15,000 දක්වා ඉහළ නැංවිය යුතුය, ඉන්ධන දීමනාව රුපියල් 7500 දක්වා වැඩි කළ යුතුය, පුහුණු පාඨමාලා කාලය සංශෝධනය කළ යුතුය, ජනගහණය 10,000කට එක් පරීක්ෂකවරයෙකු යටතේ විය යුතුය යන්න මෙම ඉල්ලීම් වේ. මේ අතර පහත සඳහන් වෘත්තීය ක්‍රියාමාර්ග ගන්නා බවද ලේකම්වරයා කියා සිටී. නිල ඇඳුම් නොමැතිව රාජකාරියට වාර්තාකිරීම, ඔවුන් විසින් ලබා දෙන වාර්තා නවතා දැමීම, වැඩ ආවරණය කරන ක්ෂේත්‍රවල රාජකාරි කටයුතුවලින් ඉවත්වීම, දැනට ලබා දෙන පෙට්‍රල්වලට සමාන වන අයුරින් පමණක් රාජකාරි කටයුතුවල නියැළීම ඒ අතරවේ. තමන්ගේ ඉල්ලීම්වලට නිසි පිළිතුරු බලධාරීන්ගෙන් ලැබෙන තුරු ඉහත ක්‍රියාපටිපාටිය ඔස්සේ වැඩවර්ජනයක නිරතවන බවද සමන් ජයසිංහ මහතා වැඩිදුරටත් පැවැසීය.
lakbima.lk
No comments:
Post a Comment