ගාල්ල කරාපිටිය රෝහලේ පිළිකා ඒකකයේ අයඩින් ප‍්‍රතිකාර ලබන රෝගීන්ගේ මළ මූත‍්‍ර වල අඩංගු විකිරණ රෝහලට නිකුත්වන බව ශී‍්‍ර ලංකා පරමාණුක බලශක්ති අධිකාරිය පවසයි.
මේ පිළිබඳ සොයා බැලූ එම අධිකාරිය විකිරණ නිකුත්වීම වැළැක්වීම සඳහා ගතයුතු කි‍්‍රයාමාර්ග පිළිබඳ රෝහල් බලධාරීන් දැනුම්වත් කැර මාස කිහිපයක් ගතවී ඇතත් ඒවා කි‍්‍රයාතමක කැර නැත.
අයඩින් ප‍්‍රතිකාර ලබාගන්නා රෝගීන්ගේ මළ මූත‍්‍ර අඩංගු ටැංකි පොළව යට සෑදිය යුතු වුව ද රෝහලේ එම ටැංකි ඉදිකර ඇත්තේ පොළොව මතුපිටය. ටැංකි ඊයම් වලින් ආවරණය කරන ලෙසත් විකිරණ කාන්දුවන ගොඩනැගිල්ලක් සහ ටැංකි අතර කොන්කී‍්‍රට් ආස්තරණයක් යොදන ලෙස දැනුම්දී ඇතත් එයද සිදුකැර නැත.
රෝහල් අධ්‍යක්ෂ වරයා පවසන්නේ මෙවැනි විකිරණ කාන්දුවක් සිදු නොවන බවයි. එවැනි දෙයක් පිළිබඳ තමන්ට දැනුම්දී නැතැයි ද හෙතෙම කියයි.
lankadeepa.lk
No comments:
Post a Comment