Mar 22, 2012 08:48 am
ජාතික ඖෂධ ප්‍රතිපත්තිය ලබන සතියේ පාර්ලිමේන්තුවට ඉදිරිපත් කරන බව සෞඛ්‍ය අමාත්‍යාංශය පවසයි.
මහාචාර්ය සේනක බිබිලේ මහතා විසින් සකස් කළ මෙම ඖෂධ ප්‍රතිපත්තිය විවිධ විරෝධතා හේතුවෙන් වසර 40 ක් ක්‍රියාත්මක කිරීමට නොහැකි වූ බව සෞඛ්‍ය අමාත්‍යාංශ්‍ය ප්‍රකාශ කරයි.
ඒ හේතුවෙන් රට තුළ ඖෂධ මාෆියාවක් ක්‍රියාත්මක වූ බව සෞඛ්‍ය අමාත්‍යාංශය පෙන්වා දෙයි.
අදාළ ඖෂධ ප්‍රතිපත්තිය සඳහා මේ වන විට කැබිනට් අනුමැතිය ලැබී ඇති අතර එය ක්‍රියාත්මක කිරීමට නම් පාර්ලිමේන්තු අනුමැතිය ලබාගත යුතුයි.
ඒ අනුව අදාළ ප්‍රතිපත්තිය ලබන සතියේ පාර්ලිමේන්තුවට ඉදිරිපත් කර පාර්ලිමේන්තු විවාදයකින් අනතුරුව සම්මත කරගැනීමට බලාපොරොත්තු වන බව සෞඛ්‍ය අමාත්‍යාංශය වැඩිදුරටත් සඳහන් කරයි.
පුවත් අනුග්‍රහය අද‍දෙරන වෙබ් අඩවිය
No comments:
Post a Comment