ඒමන්ති මාරඹේ
මෙවර අයවැයෙන් රජයේ වෛද්‍ය නිලධාරීන් වෙත ලබා දී ඇති සියයට 10 ක දීමනා වැඩි කිරීම හා රුපියල් 2500 ක දීමනාව රජයේ හෙද හෙදියන්ට ද ලබා දිය යුතු බව රජයේ හෙද නිලධාරීන්ගේ සංගමය පවසයි. වෛද්‍ය සේවාව මෙන්ම හෙද සේවාව ද රෝගී ප්‍රතිකාර හා සත්කාරක සේවාවන් පවත්වාගෙන යැම සඳහා වැදගත් කාර්යභාරයක්‌ ඉටුකරන සේවාවන් වන නිසා අදාළ දීමනාව හෙද සේවාවට ද ලබාදිය යුතු බව හෙද නිලධාරීන්ගේ සංගමයේ සභාපති සමන් රත්නප්‍රිය මහතා "දිවයින" ට පැවසීය.
පැය 24 පුරාම අඛණ්‌ඩ රාජකාරියක නියෑලෙමින් සෞඛ්‍ය සේවාව පවත්වාගෙන යැමට කැපවීම් කරන හෙද සේවාව අසාධාරණයකට ලක්‌කිරීමට ආණ්‌ඩුව දිගින් දිගටම කටයුතු කිරීම ගැටලුවක්‌ බව පෙන්වා දෙන රත්නප්‍රිය මහතා වෛද්‍ය සේවාව මේ වන විට වැටුපට අමතරව රුපියල් 22,000 ක දීමනා භුක්‌ති විඳින අතර අයවැයෙන් ලබාදුන් වැටුපෙන් සියයට 25 ක පර්යේෂණ දීමනාවට ද හිමිකම් කීම නිසා හෙද සේවාව තුළ බරපතළ දීමනා විෂමතාවයක්‌ ඇති කර ඇතැයි අවධාරණය කළේය.
Divaina 2011.12.10
No comments:
Post a Comment