ලලිත් චාමින්ද සහ එස්‌. කේ. කළුආරච්චි - ගාල්ල
සැත්කමකට භාජන කිරීම සඳහා ගාල්ල කරාපිටිය ශික්‍ෂණ රෝහලේ හෘද හා උරස්‌ ශල්‍ය ඒකකයේ නේවාසික ප්‍රතිකාර ලබමින් සිටි තවත් රෝගියකු මියගොස්‌ ඇත.
මෙසේ මියගොස්‌ ඇත්තේ මාගාල්ල ගංගාරාම මාවතේ පදිංචිකරුවකු වන නිෂාල් තිවංක නමැති විසි එක්‌ හැවිරිදි තරුණයෙකි. හෘද හා උරස්‌ ශල්‍ය ඒකකයේ ශල්‍යාගාරවලට විෂ බීජයක්‌ පැතිර යැම නිසා හදවත් සැත්කම් කටයුතු දැනට මාසයක පමණ සිට නතරකොට ඇත.
මෙම ඒකකය නවීකරණය කිරීමෙන් පසු ඔක්‌තෝබර් මස 20 වැනිදා සැත්කම් කටයුතු ආරම්භ කළ අතර සැත්කම් ආරම්භ කොට මාසයක්‌ වැනි කාලයක්‌ තුළදී හදවත් සැත්කම්වලට භාජන කළ රෝගීන් සිව් දෙනකු මියගොස්‌ තිබේ. ඉන් රෝගීන් දෙදෙනකු මියගොස්‌ ඇත්තේ සැත්කම්වලින් පසු විෂ බීජයක්‌ ශරීරගත වීම නිසාය.
දැනට මෙම ස්‌ථානයේ සැත්කම්වලට භාජන කිරීම සඳහා නේවාසිකව සිටින රෝගීන්ද වාට්‌ටුවෙන් බැහැරව යන අතර හදවත් සැත්කම් සඳහා රෝගීන් හත්සියයකට අධික සංඛ්‍යාවක්‌ ලියාපදිංචි වී ඇති බව රෝහල් ආරංචි මාර්ග සඳහන් කරයි. මෙම වසරේ මෙම ඒකකය තුළ හදවත් සැත්කම් කිරීමට හැකි වී ඇත්තේ මාස තුනක්‌ පමණි. දිනකට මෙහි හදවත් සැත්කම් හතරක්‌ පහක්‌ පමණ සිදුකෙරේ. වසරකට අඩුම තරමින් හදවත් සැත්කම් දහසකට ආසන්න සංඛ්‍යාවක්‌ කරාපිටිය රෝහලේ සිදුකෙරේ.
සැත්කමකට භාජන කිරීම සඳහා ගාල්ල කරාපිටිය ශික්‍ෂණ රෝහලේ හෘද හා උරස්‌ ශල්‍ය ඒකකයේ නේවාසික ප්‍රතිකාර ලබමින් සිටි තවත් රෝගියකු මියගොස්‌ ඇත.
මෙසේ මියගොස්‌ ඇත්තේ මාගාල්ල ගංගාරාම මාවතේ පදිංචිකරුවකු වන නිෂාල් තිවංක නමැති විසි එක්‌ හැවිරිදි තරුණයෙකි. හෘද හා උරස්‌ ශල්‍ය ඒකකයේ ශල්‍යාගාරවලට විෂ බීජයක්‌ පැතිර යැම නිසා හදවත් සැත්කම් කටයුතු දැනට මාසයක පමණ සිට නතරකොට ඇත.
මෙම ඒකකය නවීකරණය කිරීමෙන් පසු ඔක්‌තෝබර් මස 20 වැනිදා සැත්කම් කටයුතු ආරම්භ කළ අතර සැත්කම් ආරම්භ කොට මාසයක්‌ වැනි කාලයක්‌ තුළදී හදවත් සැත්කම්වලට භාජන කළ රෝගීන් සිව් දෙනකු මියගොස්‌ තිබේ. ඉන් රෝගීන් දෙදෙනකු මියගොස්‌ ඇත්තේ සැත්කම්වලින් පසු විෂ බීජයක්‌ ශරීරගත වීම නිසාය.
දැනට මෙම ස්‌ථානයේ සැත්කම්වලට භාජන කිරීම සඳහා නේවාසිකව සිටින රෝගීන්ද වාට්‌ටුවෙන් බැහැරව යන අතර හදවත් සැත්කම් සඳහා රෝගීන් හත්සියයකට අධික සංඛ්‍යාවක්‌ ලියාපදිංචි වී ඇති බව රෝහල් ආරංචි මාර්ග සඳහන් කරයි. මෙම වසරේ මෙම ඒකකය තුළ හදවත් සැත්කම් කිරීමට හැකි වී ඇත්තේ මාස තුනක්‌ පමණි. දිනකට මෙහි හදවත් සැත්කම් හතරක්‌ පහක්‌ පමණ සිදුකෙරේ. වසරකට අඩුම තරමින් හදවත් සැත්කම් දහසකට ආසන්න සංඛ්‍යාවක්‌ කරාපිටිය රෝහලේ සිදුකෙරේ.
Divaina 2011.12.19
No comments:
Post a Comment