මෙරට පවතින ඖෂධ මිල පාලනය කිරීම සඳහා "සාධාරණ වෙළෙඳ කොමිසම" නැවත ක්‍රියාත්මක කරන ලෙසද ඒ සඳහා මිල සූත්‍රයක්‌ ඉදිරිපත් කරන ලෙස ජනාධිපති මහින්ද රාජපක්‍ෂ මහතා විසින් පාරිභෝගික හා අභ්‍යන්තර වෙළෙඳ කටයුතු ඇමැති ජොන්ස්‌ටන් ප්‍රනාන්දු මහතාට උපදෙස්‌ දී ඇත.
සාධාරණ වෙළෙඳ කොමිසම 2002 වසරේ සිට අහෝසි කර ඇති අතර ඒ හේතුවෙන් මෙරට ඖෂධ මිල ගණන් සීඝ්‍ර ලෙස ඉහළ ගොස්‌ තිබේ.
මෙම තත්ත්වය වළක්‌වා ගැනීම සඳහා පිරිවැය, නැව් ගාස්‌තු, රක්‍ෂණ ගාස්‌තු යන කාරණා ද සැලකිල්ලට ගෙන ඊට අදාළ මිල සූත්‍රය ඉදිරිපත් කරන ලෙස ජනාධිපතිවරයා උපදෙස්‌ දී ඇත.
මිල සූත්‍රය සකස්‌ කිරීම සඳහා බලය පැවරෙන්නේ පාරිභෝගික කටයුතු අධිකාරියටය. එබැවින් ඉහත කාරණා සැලකිල්ලට ගෙන මිල සූත්‍රය ඉදිරිපත් කරන බව පාරිභෝගික හා අභ්‍යන්තර වෙළෙඳ කටයුතු අමාත්‍යංශයේ නිලධාරියකු "දිවයින"ට පැවැසීය.
2011. 11. 13 divaina
No comments:
Post a Comment