සුවකළ නොහැකි රෝගවලින් පෙළෙන රෝගීන්ට ප්‍රතිකාර කරන මුවාවෙන් ඒ අයව ඉන්දියාවට ගෙන යන බව පවසා සිරුරේ කොටස්‌ ලබාගන්නා ජාවාරමක්‌ පිළිබඳව දඹුල්ල, ඉබ්බාගමුව පදිංචි කාන්තාවක්‌ තොරතුරු හෙළිකර තිබේ.
මෙම කාන්තාව තිස්‌අට හැවිරිදි තිදරු මවකි. ඇය නමින් ටී. ඩී. කාන්ති නමැත්තියෙකි.
මැය පිළිකා රෝගයට ගොදුරු වූ මවකි. ඉන්දියාවේ ප්‍රතිකාර කිරීමට රැගෙන යන මුවාවෙන් ඇයව ඉන්දියාවට ගෙන යන බව පවසා මහනුවර සිට කඩුගන්නාව පසුකරගෙන විත් බීමට යමක්‌දී ඇත. ඉන් පසුව ඇයට සිහි නැති වී තිබේ. වරින් වර සිහිය එන විට ඇයගේ සිරුරේ ලේ සහ වෙනත් අංග පිළිබඳව වෛද්‍යවරු කණ්‌ඩායමක්‌ පරීක්‍ෂණ කර තිබේ.
පසුව මෙම කාන්තාව කෙසේ හෝ එම ස්‌ථානයෙන් පළාවිත් දුම්රියක නැගී දඹුල්ලට පැමිණ ඇත.
මෙම සිද්ධිය පිළිබඳව පරීක්‍ෂණ පවත්වන බව මහනුවර රෝහලේ අධ්‍යක්‍ෂ වෛද්‍ය අනුර දිසානායක මහතා ''දිවයින'' කළ විමසීමේදී කියා සිටියේය.
Divaina - 2011/11/03
No comments:
Post a Comment