සුනඛ ගහනය ඉහළ ගොස්‌ ඇති නිසා යළි ජලභීතිකා රෝගය හිස එසැවීමේ අවදානමක්‌ ඇතැයි සෞඛ්‍ය ඇමැති මෛත්‍රිපාල සිරිසේන මහතා ඊයේ (05 දා) සෞඛ්‍ය නිලධාරීන්ට දැනුම්දී ඇත. ඇමැතිවරයා ඊයේ (5 දා) කලුතර නාගොඩ රෝහලේ නිරීක්‍ෂණ චාරිකාවක යෙදී සිටියදී එම රෝහලේ සුනඛයන් ප්‍රමාණය පෙරට වඩා ඉහළ ගොස්‌ ඇතැයිද වෛද්‍යවරුන් සහ හෙදියන් විශාල පිරිසක්‌ සුනඛයන්ගේ සපා කෑම්වලට ලක්‌ව ඇතැයිද පැමිණිලි ලැබී ඇත.
මේ අවස්‌ථාවේ එහි සිටි ඇමැති රෝහිත අබේගුණවර්ධන මහතා සෞඛ්‍ය ඇමැතිවරයාට පවසා ඇත්තේ වරායේ පමණක්‌ අයාලේ යන සුනඛයන් හාර දහසක්‌ පමණ සිටින බවයි.
සුනඛයන් ඝාතනය කිරීම ආණ්‌ඩුව විසින් නතර කර ඇති නිසා සුනඛ වන්ධ්‍යාකරණයට හා උපත් පාලන එන්නත් ලබාදීම සඳහා වසරකට සෞඛ්‍ය අමාත්‍යාංශය රුපියල් කෝටි 100 ක්‌ ද, සුනඛ සපාකෑම් සඳහා ප්‍රතිකාර කිරීමට වසරකට රුපියල් කෝටි 50 ක්‌ ද වැය කරන බව සෞඛ්‍ය ඇමැති මෛත්‍රිපාල සිරිසේන මහතා පෙන්වාදී ඇත. දිනකට සුනඛ සපාකෑම් දෙදහසක්‌ පමණ සිදුවන බව ද මෙහිදී නිලධාරීන්ට දැනුම්දී ඇති ඇමැතිවරයා සුනඛ වන්ධ්‍යාකරණය සඳහා ගෙන ඇති ක්‍රියාමාර්ග සම්පූර්ණයෙන්ම අසාර්ථක වී ඇතැයිද ශ්‍රී ලංකාව පුරා නැවතත් සුනඛ ගහනය ඉහළ ගොස්‌ ඇතැයිද පවසා ඇත.
මෙය බරපතළ ගැටලුවක්‌ව ඇතැයි පවසා ඇති ඇමැතිවරයා සුනඛයන් වර්ධනය වීම නතර කිරීම සඳහා විකල්ප ක්‍රියාමාර්ගයකට යා යුතු බව පැවසූ බව සෞඛ්‍ය අමාත්‍යාංශයේ නිලධාරියෙක්‌ "දිවයින" ට කීය.
Divaina 2012.01.06
No comments:
Post a Comment