2012 පෙබරවාරි 28 වෙනි අඟහරුවාදා, 14:00
(කොළඹ -ලංකාපුවත්)දිවයිනපුරා පිහිටි වෛද්‍ය විද්‍යාලවලට එකවර ඇතුළත් වන සිසුන් ,එකවර පිට නොවීම හේතුවෙන් ඔවුන්ට නේවාසික පුහුණුව ලබා දීමේදී බරපතල ගැටළුවක් මතුව ඇතැයි සෞඛ්‍ය අමාත්‍යංශය සඳහන් කරයි.
මෙම ගැ‍ටළුකාරී තත්වය සම්බන්ධයෙන් උසස් අධ්‍යාපන අමාත්‍යංශය හා විශ්ව විද්‍යාල කොමිසම සමඟ ඉදිරි දින කිහිපය තුළදී විශේෂ සාකච්ඡාවක් පැවත්වීමට සෞඛ්‍ය අමාත්‍ය මෛත්‍රීපාල සිරිසේන මහතා තීරණය කර ඇත.
වෛද්‍ය විද්‍යාලවල එකවර සිසුන් අධ්‍යාපනය ලබා ගැනීමට ඇතුළත් වුවත්,ඇතැම් වෛද්‍ය විද්‍යාලවල පාඨමාලා ප්‍රමාදවී ආරම්භවීම විෂය කරුණු ආවරණය කිරීමට ආචාර්යවරු නොමැති වීම ආදි හේතුන් මත මෙම සිසුන්ට නියමිත වේලාවට අධ්‍යාපනය ලබා ගැනීමට නොහැකි වන බව සෞඛ්‍ය අමාත්‍යංශය සඳහන් කරයි.
මෙවැනි බාධාවන් ඉවත් කර වෛද්‍ය විද්‍යාලවලට එකවර ඇතුළත් වන සිසුන්ට එකවර පිටවීමට අවශ්‍ය පහසුකම් සැලසීම ඉදිරියේදී පැවැත්වීමට නියමිත සාකච්ඡාවට ඉවහල්වනු ඇතැයි අමාත්‍ය මෛත්‍රීපාල සිරිසේන මහතා අවධාරණය කර සිටියි
lankapuvath.lk
No comments:
Post a Comment